Laraveldə modellərin istədiyimiz qovluqda yaradılması

Bildiyimiz kimi, Laravel susmaya görə modelləri App namespace-də saxlayır. Kiçik həcmli layihələr üçün bu problem deyil, irihəcmli layihələrlə işləyərkən isə modellərin sayı həddən artıq çox ola bilər və layihə strukturu oxunaqsız, yorucu hala gələ bilər. Bu baxımdan modelləri App\Models namespace-nə köçürmək əlverişli ola bilər.

Nümunə olaraq Post modelinə baxacayıq. Post modelini Models qovluğunda yaratmaq üçün, adətən bunu belə bir artisan əmri ilə edə bilərik:
php artisan make:model Models/Post

Hər dəfə qovluğu manual göstərməmək üçün, bu əmri daha da sadələşdirmək olar. Bunun üçün Laravelin kodlarını azca qurcalamaq lazım gələcək :)
Beləliklə Illuminate\Foundation\Console qovluğundan ModelMakeCommand sinfini tapırıq və içinə baxırıq.

namespace Illuminate\Foundation\Console;  
  
use Illuminate\Console\GeneratorCommand;  
use Illuminate\Support\Str;  
use Symfony\Component\Console\Input\InputOption;  
  
class ModelMakeCommand extends GeneratorCommand  
{
    //...kodlar
}

Burada bizə lazım olan metod yoxdur. Daha da dərinə gedərək extend olunan GeneratorCommand sinfinə baxırıq və bizə lazım olan getDefaultNamespace metodunu tapırıq.

namespace Illuminate\Console;  
  
use Illuminate\Filesystem\Filesystem;  
use Illuminate\Support\Str;  
use Symfony\Component\Console\Input\InputArgument;  
  
abstract class GeneratorCommand extends Command  
{  
    //...digər kodlar
	
    /**  
    * Get the default namespace for the class. 
    * 
    * @param string  $rootNamespace  
    * @return string  
    */  
    protected function getDefaultNamespace($rootNamespace)  
    {  
        return $rootNamespace;  
    }
	
    //...digər kodlar	
}

Bundan sonrakı işimiz bu metodu override (yenidən təyin etmə) etməkdir. Bunun üçün, gedirik App\Console\Commands qovluğunda MakeModel (ad istəyə bağlıdır) adlı bir sinif yaradırıq və Laravelə məxsus ModelMakeCommand sinfini extend edərək bizə lazım olan metodu override edirik.

namespace App\Console\Commands;  
  
use Illuminate\Foundation\Console\ModelMakeCommand;  

class MakeModel extends ModelMakeCommand  
{    
    protected function getDefaultNamespace($rootNamespace)  
    {  
        return $rootNamespace.'\\Models'; 
    }  
}

Vəssəlam. Artıq, lap başda yazdığımız əmri daha sadə formada yazaraq

php artisan make:model Post

Post modelini təyin etdiyimiz qovluqda yarada bilərik

Tweet Share